Ný og spennandi vefverslun COLLAB opnaði með látum þar sem silfuröskjur með sex ófáanlegum bragðtegundum af COLLAB seldust upp á mettíma. Mikil leynd hefur hvílt yfir þessu verkefni en í leyniboxinu er að finna fimm bragðtegundir sem hafa verið uppseldar um langa hríð og ein leynidós sem með bragðtegund sem enn hefur ekki verið sett á markað.

Vaka Njálsdóttir, vörumerkjastjóri COLLAB, segir að þessi miklu viðbrögð hafi komið skemmtilega á óvart.

„Við fáum reglulega óskir um að ákveðnar bragðtegundir verði settar aftur í framleiðslu og sumum er mikið niðri fyrir varðandi ákveðnar bragðtegundir. Þetta er okkar aðferð til að svara þessum tryggu viðskiptavinum. Þessi miklu viðbrögð sýna svart á hvítu að COLLAB-samfélagið er mjög sterkt á Íslandi sem er auðvitað frábært, enda er þetta íslenskt vörumerki sem byggir á nýsköpun og íslenskum hráefnum“, bætir Vaka við. „Við hlökkum til að heyra hvað þeim sem náðu sér í leyniboxið finnst um leynidósina“, segir Vaka en neitar staðfastlega að gefa upp hvaða bragðtegund leynist í þeirri leyndardómsfullu dós.

Eins og áður sagði er vefverslun drykkjarins komin í loftið á slóðinni collab.is og er þar m.a. hægt að fá boli, sokka og annan varning sem tengist COLLAB - meðan birgðir endast.